تعبـر عن شعوري

في هذه اللحظه :)

العنود

النوم ..

العاده الوحيده التي تبعدني عن الهموم وأي شيء يجرحنـي

لم أعد أهتم بالساعات التي أقضيها في النوم ... فـ كلما زادت هذه الساعات زادت راحتي

وابتعدت عن العالم ...

أصبحت وحدي .. وروحي ليست ملكي ..

ابتعدت عن الواقع .. لن أقل الواقع المؤلم .. فـ هناك أشياء أحبها فيه ..

ولكن أعترف أنَّ الأشياء الي تجرحني هي الأكثر في واقعـي

تتراكم دموعي... ولا استطيع منعها من التدحرج على وجهي ..

ولكن هذا يساعدني على الكتابه .. لأنها لو بقيت في عيني لما كتبت فإنها تحجب عني الرؤيه !! :)

لا أعلم هل أبحث عن عذر لكي أبكي .. أم إنها الحقيقه ...

تبعثرت كلماتي ..

وتكررت كلمة " القَدَر "

" القَدَر "

نعم .. إنه القدر ... فـ حمداً لله على هذا القَـدَر ..

:))

أتمنى أن أرجع في المرة القادمة .. وأكتب ما يفرحني ..

العنود

قصائد ينقصها الوزن .. ولكنها نابعه من إحسـاسي المرهف .. فأتمنـى أن تصل إلى إحساسكم بكل سهوله وصدق ..

ضاع الوفـا فـ بحور الخـداع *** واختلط كذب البشر ابصدقهم

رحل من غير علم"ن" أو وداع *** رحل دون مايحقق حلمهم

حاول وحاول ولكن ما استطاع *** دام الغدر صار مالي قلوبهم

هذا خاين وذاك خاين وثاني باع *** حتى الخيانه حفظت دروبهم

لك الله يا وفا رحل وضـاع *** حلَم بقلوب الخيانه باتت بدمهم

~ ~ ~ ~ ~ ~ ~ ~

روح يا حبن بالرسايل أنا مابيه *** وش فايدة الرسايل بليا شعور

خلك حبيبي معه مركزّ"ن" فيه *** تألف أشعار وتكتب به سطور

تسأل؟ الغاليه عندكـ بي بيه (BB) *** وتاخذ البن وتضيف بسرور

عافتك نفسي وصرخت خليه *** خل ينفعه من معه المغرور

له يوم ويرجع يصافق بكفيه *** وينصدم بشوف ممنوع المرور

راح زمانك يا سي السيد يا بيه *** وهذي الدنيا ترا دومها ادور

خل ينفعك على قولتكم " البي بي " *** ونشوف من منا يرجع المكسور

~ ~ ~ ~ ~ ~ ~ ~

http://up.arab-x.com/Jan11/vWv03864.jpg

　

*‘

　

تشوفـ هَـ ؟

　

ما عـاد له لزمـه

　

سبب للـ قلب أزمـه

　

تقرا وأشـوف الـ

R

　

وأظل أنا محتـا ر !!

　

ولما أشوف الـ

D

　

أكتم ولا بإيـ دي ..

　

غير الصبر ...

　

بس ص'ـبر !!؟

　

تشوفـ هـ ؟

　

بدووونـك .. واللَّه مايسوى!!

　

هـ البي بي ترى فِدوى !!

　

رميتـه دامه من دونـك

　

تشوف وجافي مضنونك

　

دخيلك ركز عيونـك

　

على شخص مفتونـك

　

تعب من شوقه لجنونـك

　

حلف واللَّه لـ يصُونِـك . . .

محد"ن" غيرك خطف قَلبْـ هـ !!!

　

''' وأصبحت للقلـب نبضـ هـ !!!

　

عجز يستخدمه دونـك

　

لأنك صـرت له ‘ نـوره

　

دامـه ماحتوى كونـك

　

وصـل لهـذي الصوره !

　

وصـل لهـذي الصوره !!

~ ~ ~ ~ ~ ~ ~ ~

في جعبتي المزيد ولكن أوراقي متناثره ...

سأبحث عنها وأجمعها لأرجع لكم من جديد ..

العنود

　

ماعرف كيف أبدا .. ولا شو أقول ...

كلامه وصوته وكل شي كأنه شريط وينعاد ..

انصعقت يوم قريت البرودكاست .. في ذمة الله ... اسمه !!! نفس الإسم .. معقول تشابه اسماء ؟؟؟؟؟؟؟؟؟؟؟ المهنه !!! يا الله نفس المهنه !! معقول يكون هو ؟؟؟؟؟؟؟؟؟؟؟؟

امس كنت اكلمه ... ركضت لغرفتي مسكت الموبايل اتصل فيه ما يرد ...

اطرشله على البلاك بيري ما يوصل !

مب مستوعبه ..

بعدني ما اتهنيت في لقانـا ..

كنت اقول في هالفتره بشوفه .. ولهانه عليه ...

وهو دايماً يقولي أبا أشوفج ولهت عليج .. :(

اقوله بتشوفني بلاك حزين ؟؟؟؟

يقولي لأني مابشوفج ..............

ماكنت أدري انه يومه قريب ...........................

ماكنت أدري انه صدق مابيشوفني للأبد

كان يقولي أحبج ... اقوله لا تجامل .. عن الحركات

دايماً كنت آخذ كلامه بالمزح .. ياريتني قلتله انا بعد احبك .. وابا اتقرب منك

كان طيب .. صريح لأبعد درجه .. وسيم ....

ما كنت اشوف فيه شي مب زين .. سبحان الله

ندمانه لأني ما كنت اشوفه دوم .. ندمانه لأنه كنت اقول كله باجر واللي عقبه والي عقبه ومب لازم اليوم

ندمانه ومايفيد الندم الحين ,,,,,, دامه عند ربه

في عمره وطول هالسنين الي بيني وبينه ..... في عمرررره مازعلني والا قالي كلمه تضايجني

بس ابا اتذكر إذا مره اتضاربنا .. ولا مره اتضاربنا

ولا مره اتزاعلنا

كله سوالف وضحك .....

في عمري مابنساك يا عمران

والله انته أعز إنسان اتعرفت عليه .. وفي عمره مازعلني ..

والله انه ماشي مثلك ولا بيكون شي ...........

الله يرحمك ويغفرلك .. ومابنساك في كل صلاه ..

اللهم اغفر له وارحمه وأسكنه فسيح جناتك

اللهم أكرم نزله وأحسن مثواه

اللهم اغسله بالماء والثلج والبرد ونقه من الذنوب والخطايا


اللهم جازه بالحسنات إحسانا وبالسيئات عفوا وغفران .. آميييين يارب العالمين

اللهم إجعلني ألقاه في الجنـه .. آمين

وألقى جميـع من أحب وصاروا عندك آمين يا الله